ஒரு நிமிடம்கூட நிற்காமல், அலாஸ்காவில் இருந்து நியூசிலாந்து வரை 

சுமார் 13,000 கிலோமீட்டர் தொடர்ந்து 

பறக்குமாம் பட்டைவால் மூக்கன் என்ற ஒரு பறவை. ஆங்கிலத்தில் இதன் 

பெயர் Bar-tailed Godwit.

கிட்டத்தட்ட எட்டு நாட்கள் உணவின்றி, உறக்கமின்றி, ஓய்வின்றி, புயல், மழை என எதற்காகவும் திசை மாறாது கடலைக் கடந்து, வானத்தைக் கடந்து, 

தன் இலக்கை நோக்கிப் பறந்து 

செல்லும் இந்தப் பறவை இனத்தைப் பற்றி நாம் அனைவரும் கட்டாயம் தெரிந்துகொள்ள வேண்டும்.

அந்த பறவையைப் போலவே,

நாமும் நம் வாழ்க்கையில்

தெளிவானதும், உறுதியானதுமான ஓர் இலக்கை நிர்ணயித்து,

அதை நோக்கி தொடர்ந்து பயணித்தோமேயானால்,

எந்தத் தடையும் நம்மைத் தடுத்து நிறுத்த முடியாது.

வழியில் சிலர் நம்மைத் திசைதிருப்ப முயற்சிக்கலாம்…

சில வார்த்தைகள் நம் நம்பிக்கையைச் சிதைக்கலாம்…

சில சூழ்நிலைகள் நம்மைத் தயங்கச் செய்யலாம்…

ஆனால்,

நம் பார்வை இலக்கின் மீது உறுதியாக இருந்தால்,

எதுவும் நம்மைத் திசைதிருப்ப முடியாது.

காந்தத்தை நோக்கி ஈர்க்கப்படும் துகள்களைப் போல,

நம் இலக்கை நோக்கிய ஈர்ப்பு வலிமையாக இருந்தால்,

தடைகள் அனைத்தும் நம்மை விட்டு விலகிச் செல்லும்.

எனவே…

கலங்காதீர்கள்.

தயங்காதீர்கள்.

திரும்பிப் பார்க்காதீர்கள்.

உங்கள் இலக்கை மட்டும் பாருங்கள்.

உங்கள் பயணத்தை மட்டும் தொடருங்கள்.

ஏனெனில்,

நம்பிக்கையுடன் முன்னேறும் ஒவ்வொரு அடியும்

நம்மை நம் கனவுக்கு இன்னும் அருகில் அழைத்துச் செல்கிறது.

எல்லாவற்றிற்கும் மேலாக,

“கடவுள் நம்முடன் இருக்கிறார்”

என்ற அசைக்க முடியாத நம்பிக்கையை வளர்த்துக்கொள்வோம்.

இலக்கு நம்முடையது…

பாதை இறைவனுடையது…

பயணம் நம்முடைய பொறுப்பு! ❤️

🕊️ இலக்கு தெளிவாக இருக்கட்டும்…

பயணம் தொடரட்டும்…

நம்பிக்கை ஒருபோதும் குறையாதிருக்கட்டும்! 🙏

-நா. பார்வதி