தண்டட்டி அணிந்திருந்தவளுக்கு உரிமையானவன்
இறுதியில் அந்த தண்டட்டிக்காவது உரிமையாவான் என்று எண்ணினேன்!

ஆனால்,

அவன் ஆசைப் பட்ட அவள்
அவனிடமிருந்து பிரித்து இழுத்துச் செல்லப்படுகிறாள்!
அவள் ஆசைப்பட்டு கேட்டு,
முதலும் கடைசியுமாக அவன் அவளுக்கு வாங்கிக் கொடுத்த தண்டட்டியையும்
அவன் அவளுடனேயே அனுப்பி வைத்தான்.

தங்கத்தால் ஆனது தண்டட்டி
அதைக் கைப்பற்றிட அலைகிறது பிள்ளைகள் என்னும் கொள்ளைக் கூட்டமடி!
அதைப் பார்ப்போரை சோகத்தில் ஆழ்த்துதடி!

வழக்கமான காதல் கதையை உருக்கி, சற்று மெருகேற்றி
அதை தண்டட்டிக்குள் வைத்து வழங்கியிருக்கும் விதம் அழகோ அழகடி.

தண்டட்டி அதன் உலோக தன்மையில் மட்டுமன்றி
கதையிலும்
காட்சியமைப்புகளிலும்
சொக்க தங்கமடி❤️
– நா. பார்வதி